სასამართლოს თავმჯდომარის მოვალეობას გიორგი ებანოიძე შეასრულებს

საქართველოს იუსტიციის უმაღლესი საბჭოს გადაწყვეტილებით,  მამუკა ახვლედიანი გათავისუფლდა თბილისის საქალაქო სასამართლოს თავმჯდომარისა და სისხლის სამართლის საქმეთა კოლეგიის თავმჯდომარის თანამდებობიდან. საქართველოს იუსტიციის უმაღლესი საბჭოს გადაწყვეტილებითვე,   თბილისის საქალაქო სასამართლოს თავმდჯომარის მოვალეობის შესრულება დაეკისრა სამოქალაქო საქმეთა კოლეგიის თავმჯდომარე გიორგი ებანოიძეს, ხოლო სისხლის სამართლის საქმეთა კოლეგიის თავმჯდომარის მოვალეობას, ამავე კოლეგიის  მოსამართლე ეკა არეშიძე შეასრულებს. მამუკა ახვლედიანი სამოსამართლო უფლებამოსილების განხორციელებას გააგრძელებს სისხლის სამართლის საქმეთა კოლეგიაში.