დღეს, საქართველოს იუსტიციის უმაღლესი საბჭოს თავმჯდომარე, მდივანი და საბჭოს წევრები თბილისის საქალაქო სასამართლოს მოსამართლეებს შეხვდნენ. შეხვედრაზე განხილულ იქნა სასამართლოს სისტემაში ბოლო დროს განვითარებული მოვლენები. მოსამართლეებმა ერთხმად აღნიშნეს, რომ სასამართლოში არსებობდა გარკვეული მენეჯერული პრობლემები და უკმაყოფილება გამოთქვეს ამ მიმართულებით ყოფილი თავმჯდომარის მიმართ. მოსამართლეებმა გამოხატეს თავიანთი მოსაზრებები სასამართლოს დატვირთულობისა და საქმეთა განაწილების წესის თაობაზე. ამ მიზნით, იუსტიციის უმაღლესი საბჭო გეგმავს ინდივიდუალურად შეხვდეს თითოეული კოლეგიის წარმომადგენლებს და მოისმინოს მათი პოზიციები.
შეხვედრა თბილისის საქალაქო სასამართლოში ღია ფორმატში გაიმართა და მას მედიის წარმომადგენლებიც ესწრებოდნენ.
|