თბილისის საქალაქო სასამართლოში მორიგი ექსკურსია N139 საჯარო სკოლის მე-9 კლასის მოსწავლეებისთვის გაიმართა. საქართველოს განათლებისა და მეცნიერების სამინისტროს სსიპ საგანმანათლებლო დაწესებულების მანდატურის სამსახურის პროგრამის ”პროფესიული ორიენტაცია და კარიერის დაგეგმვა” ფარგლებში, მოსწავლეებმა სასამართლოს შენობა დაათვალიერეს და სასამართლოს სტრუქტურას გაეცნენ.
თბილისის საქალაქო სასამართლოს პრესსამსახურის წარმომადგენლებმა სკოლის მოსწავლეებს მოქალაქეთა მომსახურების ცენტრის მუშაობის სპეციფიკა გააცნეს, ინფორმაცია მიაწოდეს მედიაციის პროექტის შესახებ და მათ კითხვებს უპასუხეს. სტუმრებმა, ასევე, მოინახულეს სასამართლო სხდომათა დარბაზები, მათ შორის, ქვეყნის მასშტაბით ყველაზე დიდი ნაფიც მსაჯულთა სასამართლო დარბაზი.
თბილისის საქალაქო სასამართლო მომავალშიც ხელს შეუწყობს ინიციატივებს, რომლებიც ახალგაზრდებში სამოქალაქო თვითშეგნების ამაღლებას ემსახურება. |