"ალეას" იმიტირებული პროცესი საქალაქო სასამართლოში

13 მარტს, თბილისის საქალაქო სასამართლომ არასამთავრობო ორგანიზაცია’’ ახალგაზრდა ლიდერების ეროვნული ასოციაციის’ მიერ ორგანიზებულ იმიტირებულ პროცესებს უმასპინძლა. პროექტში მონაწილეობდნენ როგორც საჯარო სკოლების დამამთავრებელი კლასის მოსწავლეები, ასევე სხვადასხვა უნივერსიტეტის I-II კურსის სტუდენტები, რომლებიც აპლიკაციისა და გასაუბრების გზით შეირჩნენ. 

იმიტირებულ სასამართლო პროცესზე მონაწილეებმა მკვლელობის საქმე განიხილეს და ჩაატარეს როგორც არსებითი განხილვის მოდელირებული პროცესი, ასევე ნაფიც მსაჯულთა სასამართლო. დასასრულს, პროექტის ავტორებმა მონაწილეებს ორენოვანი სერტიფიკატები გადასცეს. 

თბილისის საქალაქო სასამართლო ყოველთვის მხარს უჭერს ახალგაზრდების ინიციატივებს და ხელს უწყობს მათ პროფესიულ განვითარებას.