თბილისის საქალაქო სასამართლოს N157 საჯარო სკოლის მე-9 კლასის მოსწავლეები სტუმრობდნენ.
მოსწავლეებს სასამართლოს შენობა და სხდომის დარბაზები თბილისის საქალაქო სასამართლოს მოქალაქეთა მომსახურების ცენტრის ხელმძღვანელმა სალომე ტყეშელაშვილმა დაათვალიერებინა. სტუმრები უშუალოდ გაეცნენ მოქალაქეთა მომსახურების ცენტრის ფუნქციონირების პრინციპებს და სასამართლოში საქმის რეგისტრაციის პროცედურას.
თბილისის საქალაქო სასამართლოში, საქართველოს განათლებისა და მეცნიერების სამინისტროს სსიპ საგანმანათლებლო დაწესებულების მანდატურის სამსახურის პროგრამის ”პროფესიული ორიენტაცია და კარიერის დაგეგმვა” ფარგლებში, სკოლის მოსწავლეებისათვის რამდენიმე გაცნობითი შეხვედრა იგეგმება. |