თბილისის საქალაქო სასამართლოში საქართველოს განათლებისა და მეცნიერების სამინისტროს სსიპ საგანმანათლებლო დაწესებულების მანდატურის სამსახურის პროგრამის ”პროფესიული ორიენტაცია და კარიერის დაგეგმვა” ფარგლებში საჯარო სკოლის მოსწავლეებისათვის რამდენიმე გაცნობითი შეხვედრა გაიმართა.
N118, N90 და N155 საჯარო სკოლების მე-9 და მე-11 კლასის მოსწავლეებს პრესსამსახურის წარმომადგენლებმა უმასპინძლეს. მოსწავლეებმა თბილისის საქალაქო სასამართლოს შენობა და სასამართლო სხდომის დარბაზები დაათვალიერეს. ასევე, გაეცნენ მოქალაქეთა მომსახურების ცენტრის მუშაობის პრინციპებსა და სასამართლოში საქმის წარმოების პროცედურებს. მოსწავლეებმა მიიღეს ინფორმაცია სასამართლო მედიაციის პროექტის შესახებ და მედიაციის სესიებისათვის განკუთვნილი ოთახებიც მოინახულეს.
თბილისის საქალაქო სასამართლო მიესალმება სკოლის მოსწავლეებში სამოქალაქო განათლებისა და მართლშეგნების ამაღლებაზე ზრუნვას. |