2012 წლის 18 დეკემბერს საქართველოს უზენაესი სასამართლოს თავმჯდომარე ბატონმა კონსტანტინე კუბლაშვილმა და ამერიკის შეერთებული შტატების ელჩმა საქართველოში ბატონმა რიჩარდ ნორლანდმა სისხლის სამართალში ადვოკატირების ეროვნული იმიტირებული პროცესის გამარჯვებულები დააჯილდოვეს.
იმიტირებულ სასამართლო პროცესში მონაწილეობას იღებდნენ შემდეგი უნივერსიტეტების სტუდენტები: ივანე ჯავახიშვილის სახელობის თბილისის სახელმწიფო უნივერსიტეტი, კავკასიის სამართლის სკოლა, ქართულ-ამერიკული უნივერსიტეტი, შავი ზღვის საერთაშორისო უნივერსიტეტი, საქართველოს უნივერსიტეტი, თბილისის თავისუფალი უნივერსიტეტი, შოთა რუსთაველის სახელმწიფო უნივერსიტეტი (ბათუმი) და აკაკი წერეთლის სახელმწიფო უნივერსიტეტი (ქუთაისი).
ფინალში აკაკი წერეთლის სახელმწიფო უნივერსიტეტისა და თბილისის თავისუფალი უნივერსიტეტის გუნდები გავიდნენ. ასევე გამოვლინდა საუკეთესო ადვოკატისა და საუკეთესო მოწმის ნომინაციებში გამარჯვებულები. უზენაესი სასამართლოს თავმჯდომარემ სამახსოვრო საჩუქარი საუკეთესო ადვოკატის ნომინაციაში გამარჯვებულს გადასცა.
იმიტირებულ სასამართლო პროცესს მხარს უჭერს აშშ მთავრობა. პროექტი მიზნად ისახავს მართლმსაჯულების დამოუკიდებლობის მხარდაჭერას და იურიული პროფესიული გაერთიანებების შესაძლებლობების გაძლიერებას.
|