უზენაესი სასამართლო საკონსტიტუციო ცვლილებების პაკეტის საჯარო განხილვას აგრძელებს

2013 წლის 21 იანვარს სასტუმრო ,,რედისონში“ საქართველოს კონსტიტუციაში შესატანი ცვლილებების პროექტზე დისკუსია გაიმართა. დისკუსიაში მონაწილეობდნენ სასამართლო ხელისუფლების, საერთაშორისო ორგანიზაციებისა და იუსტიციის სამინისტროს წარმომადგენლები. 

შეხვედრაზე ისაუბრეს სასამართლოს დამოუკიდებლობისა და მოსამართლეთა ხელშეუხებლობის გარანტიებზე, ინსტიტუციონალური სტაბილურობის შენარჩუნების საკითხებზე, იუსტიციის უმაღლესი საბჭოს დაკომპლექტებისა და საბჭოს წევრების უფლებამოსილებების განსაზღვრის თაობაზე.