|
2013 წლის 19 თებერვალს, თბილისის საქალაქო სასამართლომ ოქროს ნაკეთობის ძარცვის ფაქტზე, ბრალდებულ დავით ასკურავას მიმართ სისხლის სამართლებრივი დევნა შეწყვიტა. სასამართლოს განჩინებით, გაუქმდა ბრალდბულის მიმართ გამოყენებული აღკვეთის ღონისძიება - პატიმრობა და დავით ასკურავა სასამართლოს სხდომის დარბაზიდან გათავისუფლდა.
წინასასამართლო სხდომაზე სასამართლომ დააკმაყოფილა დაცვის მხარის შუამდგომლობა ბრალდებულ დ. ასკურავას მიმართ სისხლის სამართლებრივი დევნის შეწყვეტის თაობაზე. სასამართლომ მხარეთა ახსნა განმარტებებისა და წარმოდგენილ მტკიცებულებათა ერთობლიობის შეფასებისას მიიჩნია, რომ საქმეში წარმოდგენილი მტკიცებულებანი არ არის საკმარისი და ალბათობის მაღალი ხარისხით არ იძლევა საფუძველს ვარაუდისთვის, რომ დანაშაული დ. ასკურავამ ჩაიდინა. შესაბამისად, სასამართლომ ბრალდების მხარის მიერ წარმოდგენილი მტკიცებულებები არასაკმარისად მიიჩნია საქმის არსებითად განსახილველად გადაცემისათვის.
განჩინების გასაჩივრება შესაძლებელია ერთჯერადად, მისი გამოტანიდან 5 დღის ვადაში თბილისის სააპელაციო სასამართლოს საგამოძიებო კოლეგიაში.
|
მომწონს (
არ მომწონს (
