მოსამართლეებთან კომუნიკაციის წესების დარღვევა

თელავის რაიონული სასამართლოს მოსამართლემ საერთო სასამართლოების მოსამართლეებთან კომუნიკაციის წესების დარღვევასთან დაკავშირებით გადაწყვეტილება">გადაწყვეტილება გამოიტანა და თელავის პოლიციის სამმართველოს უფროსის მოადგილე გიორგი ფარეშიშვილი 150 ლარით დააჯარიმა">ჯარიმა. 

სასამართლოზე წარმოდგენილი მასალების თანახმად, 2013 წლის 21 მარტს 10:30 წუთზე თელავის რაიონული სასამართლოს მოსამართლის სამუშაო ოთახში შევიდა შსს თელავის რაიონული სამმართველოს უფროსის მოადგილე გიორგი ფარეშიშვილი, რომელმაც განუმარტა, რომ წინააღმდეგობის გაწევისათვის ადმინისტრაციული სამართალდარღვევის ფაქტთან დაკავშირებით დაკავებული ჰყავდათ პირი, რომელიც წარსულში არაერთხელ იყო ადმინისტრაციული წესით სახდელდადებული და ჯარიმების გადახდაზე აცხადებდა კატეგორიულ უარს. გ. ფარეშიშვილს სურდა, რომ შსს სამმართველოს მოთხოვნა სამართალდამრღვევის მიმართ პატიმრობის შეფარდების თაობაზე დაფიქსირებულიყო  საქმის მასალებში.  აღნიშნულის თაობაზე ინფორმირებულობის მიზნით გიორგი ფარეშიშვილი შევიდა თელავის რაიონული სასამართლოს თავმჯდომარესთან, რითაც დაირღვა საერთო სასამართლოების მოსამართლეებთან კომუნიკაციის წესები.

საერთო სასამართლოების მოსამართლეებთან კომუნიკაციის წესების დარღვევასთან დაკავშირებით სხდომა გაიმართა 2013 წლის 2 აპრილს, საერთო სასამართლოების მოსამართლეებთან კომუნიკაციის წესების დარღვევა დადასტურდა და საჯარო მოსამსახურე გიორგი ფარეშიშვილი დაჯარიმდა 150 ლარის ოდენობით.