თბილისის საქალაქო სასამართლოსა და შავი ზღვის საერთაშორისო უნივერსიტეტს შორის ურთიერთთანამშრომლობის მემორანდუმი გაფორმდა

უმაღლეს საგანმანათლებლო სასწავლებლებთან თანამშრომლობის მიზანს კვალიფიციური იურიდიული განათლების ხელშეწყობა, ერთობლივი პროექტების შემუშავება და  მათი პრაქტიკული განხორციელება წარმოადგენს. სტუდენტებისათვის სასამართლო სისტემის გაცნობა, მათი ინფორმირება მოქმედი კანონმდებლობისა და სამართლებრივი საკითხების  თაობაზე ხელს შეუწყობს მომავალი იურსიტების სამართლებრივი ცოდნის ამაღლებას და სტუდენტების პროფესიული უნარჩვევების განვითარებას.  სწორედ ამ მიზნით, დღეს 2013 წლის 18 აპრილს, თბილისის საქალაქო სასამართლოს თავმჯდომარე მამუკა ახვლედიანსა და შავი ზღვის საერთაშორისო უნივერსიტეტის სოციალურ მეცნიერებათა ფაკულტეტის დეკან ფარუქ გურსაის შორის თანამშრომლობის მემორანდუმი გაფორმდა, რომლის მიხედვითაც  სამომავლოდ  სტუდენტური ოლიმპიადებისა და იმიტირებული სასამართლო პროცესების გამართვა დაიგეგმა.