თბილისის საქალაქო სასამართლოში თსუ-ს სტუდენტური თვითმმართველობის იურიდიული ფაკულტეტის განათლებისა და მეცნიერების დეპარტამენტის ორგანიზებით, ფინალური იმიტირებული სასამართლო პროცესი გაიმართა. იმიტირებული სასამართლო სხდომები სამოქალაქო სამართლის მიმართულებით, სახელშეკრულებო, ვალდებულებით და სანივთო სამართალში გაიმართა. სულ პროექტში მონაწილეობისათვის 70-მდე გუნდი დარეგისტრირდა. იმიტირებული პროცესების ნახევარფინალში გამარჯვებული 2 გუნდიდან, კი დღეს ფინალურ სასამართლო სხდომაზე სეზონის გამარჯვებული გუნდი გამოვლინდა.
თბილისის საქალაქო სასამართლოს თავმჯდომარის გადაწყვეტილებით, პროექტში გამარჯვებული გუნდის წევრები ანა ონაშვილი, ხატია ქვრივიშვილი და ნინო ჯალაღონია სტაჟირებას თბილისის საქალაქო სასამართლოში გაივლიან.
|