საბჭოს სხდომაზე მოსამართლეთა კონფერენციის რეგლამენტში შესატანი ცვილებების პროექტი განიხილეს

2013 წლის 29 მაისს 15 საათზე, საქართველოს იუსტიციის უმაღლესი საბჭოს სხდომა გაიმართა, რომელიც საქართველოს იუსტიციის უმაღლესი საბჭოსა და უზენაესი სასამართლოს თავმჯდომარე - კონსტანტინე კუბლაშვილმა გახსნა.

დღის წესრიგით გათვალისწინებული რამდენიმე მნიშვნელოვანი საკითხი განხილეს, კერძოდ: პროექტები "საქართველოს მოსამართლეთა კონფერენციის რეგლამენტში ცვლილებების შეტანის შესახებ". "საქართველოს იუსტიციის უმაღლესი საბჭოს რეგლამენტის დამტკიცების შესახებ", "საქართველოს იუსტიციის უმაღლესი საბჭოს აპარატის დებულების, საშტატო ნუსხისა და აპარატის მოსამსახურეთა თანამდებობრივი სარგოების დამტკიცების შესახებ".

მოსამართლეთა კონფერენციის რეგლამენტში ცვლილებების განხორციელება დღის წესრიგში მას შემდეგ დადგა, რაც პარლამენტმა "საერთო სასამართლოების შესახებ" ორგანულ კანონში ცვლილებები შეიტანა. მთავარი ცვლილება საქართველოს იუსტიციის უმაღლესი საბჭოს და ადმინისტრაციული კომიტეტის წევრთა არჩევის წესს ეხება. წევრებს კი მოსამართლეთა კონფერენცია ირჩევს.

ცნობილია მოსამართლეთა კონფერენციის ჩატარების თარიღი, რომელიც 2013 წლის 9 ივნისში გაიმართება.

საქართველოს იუსტიციის უმაღლესი საბჭოს რეგლამენტის თანახმად, სხდომები მოიწვევა საჭიროებისამებრ, მაგრამ არანაკლებ სამ თვეში ერთხელ. სხდომების დღის წესრიგი საჯაროა და საბჭოს ვებ-გვერდზე განთავსდება.