|
2013 წლის 24 ოქტომბერს ქუთაისის საქალაქო სასამართლოში ნაფიც მსაჯულთა მონაწილეობით ბრალდებულ ბესიკ ბ-ს საქმეზე პირველი სხდომა ჩატარდა.
ბრალდებულს ბრალი ედება, განზრახ მკვლელობასა და განზრახ მკვლელობის მცდელობაში, რომელიც ჩადენილია დამამძიმებელ გარემოებებში. კერძოდ ქ. თერჯოლაში ურთიერთ შელაპარაკების დროს, შურისძიების მოტივით.
დანის გამოყენებით ბრალდებულმა განიზრახა ორი პირის რეზო ნ-ს და გიორგი გ-ს მოკვლა, რა მიზნითაც მათ მიაყენა სხეულის სხვადასხვა მიდამოებში ნაკვეთ-ნაჩხვლეტი ჭრილობები, რის შედეგადაც რეზო ნ. გარდაიცვალა. გიორგი გ. კი სიკვდილს ბესიკ ბ-სგან დამოუკიდებელი მიზეზების გამო გადაურჩა, მისთვის დროულად იქნა გაწეული სამედიცინო დახმარება.
ნაფიც მსაჯულთა შერჩევის სხდომაზე გამოცხადებულ კანდიდატთაგან, მხარეთა მოსაზრებების გათვალისწინებით შერჩეულია 12 ნაფიცი მსაჯული და ორი სათადარიგო მსაჯული, რომლებიც უშუალოდ ჩაერთვებიან საქმის არსებით განხილვაში.
სწორედ, ნაფიცი მსაჯულები გამოიტანენ გამამართლებელ ან გამამტყუნებელ ვერდიქტს. ნაფიც მსაჯულთა შემადგენლობა კონფიდენციალურია მათი უსაფრთხოების მიზნით. სასამართლო სხდომაზე დამსწრე პირებს და პროცესის მონაწილეებს ეკრძალებათ მსაჯულთა ვინაობის გამხელა. |
მომწონს (
არ მომწონს (
