ინფორმაცია

ბათუმის საქალაქო სასამართლოში 2017 წლის 12 მარტს განსახილველად შემოვიდა 16 ადმინისტრაციული სამართალდარღვევის საქმე, წვრილმანი ხულიგნობისა და სამართალდამცავი ორგანოს თანამშრომლების კანონიერი მოთხოვნის დაუმორჩილებლობის ფაქტზე. საქმე ეხებოდა ქ. ბათუმში გამართულ საპროტესტო აქციაში მონაწილე 16 პირს, რომელთაგან 7 პირი ცნობილი იქნა სამართალდამრღვევად საქართველოს ასკ-ის 166-173-ე მუხლებით გათვალისწინებულ ადმინისტრაციულ გადაცდომაში და მათ მიმართ სახდელის სახით გამოყენებული იქნა ადმინისტრაციული პატიმრობა 5 (ხუთი) დღის ვადით. 9 პირი, რომელთაგან 3 იყო არასრულწლოვანი, სასამართლომ გაათავისუფლა დაკავებიდან და მათ მიმართ ადმინისტრაციული სამართალდარღვევის საქმის განხილვა გადაიდო სხვა დროისთვის.