ამერიკელი მოსამართლე ჯეს გუდის ვიზიტი ბათუმის საქალაქო სასამართლოში

2019 წლის 11 ნოემბერს, ბათუმის საქალაქო სასამართლოს სამუშაო ვიზიტით ეწვია ამერიკელი მოსამართლე ჯეს გუდი. ვიზიტის ფარგლებში ამერიკელი მოსამართლე ერთ სამუშაო  კვირას გაატარებს ბათუმის საქალაქო სასამართლოში და დააკვირდება სამოქალაქო და ადმინისტრაციულ პროცესებს.  

მიმდინარე ვიზიტის ფარგლებში, 13 ნოემბერს მოსამართლემ შეხვედრა გამართა ბათუმის საქალაქო სასამართლოს სამოქალაქო და ადმინისტრაციულ საქმეთა კოლეგიის მოსამართლის თანაშემწეებთან, სადაც განიხილეს სასამართლოს ეფექტიანობის გაზრდის შესაძლებლობა მათი საქმიანობის ჭრილში.