რუსთავის საქალაქო სასამართლო

სისხლის საჭირო მარაგის შესაქმნელად, 2025 წლის 30 ოქტომბერს, რუსთავის საქალაქო სასამართლოს მოსამართლეებმა და აპარატის თანამშრომლებმა, ააიპ „სისხლის გადასხმის საქალაქო სადგურთან“ ერთად, მონაწილეობა მიიღეს სისხლის უანგარო დონორის აქციაში „გაიღე სისხლი, მიეცი იმედი: ერთად ჩვენ გადავარჩენთ სიცოცხლეს“.

 რუსთავის საქალაქო სასამართლოს თანამშრომლები ვაცნობიერებთ, რომ:

“ჭეშმარიტად ქველმოქმედნია ისინი, ვინც მოყვასის გადასარჩენად აბარებენ საკუთარ სისხლს. გაჭირვებულისათვის ერთი ჭიქა წყლის მიწოდებაც მადლია ღვთის წინაშე: მითუმეტეს დასაფასებელია ღვაწლი მათი, ვინც სისხლის გაღებით სიცოცხლეს შეუნარჩუნებს განსაცდელში მყოფთ. ღმერთმა დალოცოს ყოველი ადამიანი ამ მადლის მოქმედი“ - სრულიად საქართველოს კათალიკოს პატრიარქი ილია II.