რუსთავის საქალაქო სასამართლოსა და სუხიშვილის სასწავლო უნივერსიტეტს შორის ურთიერთთანამშრომლობის მემორანდუმი გაფორმდა

2015 წლის 02 თებერვალს რუსთავის საქალაქო სასამართლოსა და სუხიშვილის სასწავლო უნივერსიტეტს შორის ურთიერთთანამშრომლობის მემორანდუმი გაფორმდა. მემორანდუმს რუსთავის საქალაქო სასამართლოს თავმჯდომარემ მამია ფხაკაძემ და სუხიშვილის სასწავლო უნივერსიტეტის რექტორმა ვლადიმერ სუხიშვილმა მოაწერეს.

მემორანდუმის უმთავრესი მიზანია, რუსთავის საქალაქო სასამართლოსა და უნივერსიტეტის თანამშრომლობა სამართლის საგანმანათლებლო პროგრამების შექმნისა და განხორციელების პროცესში, რომელიც მიმართული იქნება მაღალი ხარისხის საგანმანათლებლო პროდუქტის შექმნაზე, მათ შორის კვალიფიციური, საერთაშორისო და ადგილობრივი დასაქმების ბაზარზე კონკურენტუნარიანი იურისტების მომზადებაზე.