სკოლის მოსწავლეები სტუმრად რუსთავის საქალაქო სასამართლოში

2015 წლის 14 მაისს რუსთავის საქალაქო სასამართლოს, საქართველოს განათლებისა და მეცნიერების სამინისტროს სსიპ საგანმანათლებლო დაწესებულების მანდატურის სამსახურის პროგრამის ”პროფესიული ორიენტაცია და კარიერის დაგეგმვა” ფარგლებში, ქ. რუსთავის N5, №20, №21 და №13  საჯარო სკოლის მეცხრე კლასის მოსწავლეები ესტუმრნენ.  სტუმრებმა სასამართლოს შენობა და სხდომის დარბაზები დაათვალიერეს, დაესწრნენ სასამართლო სხდომას.

 შენობის დათვალიერების შემდეგ, მოსწავლეები შეხვდნენ რუსთავის საქალაქო სასამართლოს მოსამართლე მაია გიგაურს და სასამართლოს მენეჯერს, შეხვედრა კითხვა-პასუხის რეჟიმში წარიმართა, ისაუბრეს მათთვის საინტერესო სამართლებრივ საკითხებზე,  სამოსამართლეო საქმიანობისა და სასამართლოში საქმისწარმოების წესის თაობაზე.

 რუსთავის საქალაქო სასამართლო დიდ მნიშვნელობას ანიჭებს მომავალი თაობის სამართლებრივი კულტურის განვითარებას და მომავალშიც აქტიურად შეუწყობს ხელს მსგავსი საგანმანათლებლო აქტივობების განხორციელებას.