რუსთავის საქალაქო სასამართლო ნაფიც მსაჯულთა მონაწილეობით რიგით მეორე სასამართლო სხდომის განხილვას იწყებს

რუსთავის საქალაქო სასამართლოში დაიწყო ნაფიც მსაჯულთა განსჯადი სისხლის სამართლის საქმის განხილვა ბრალდებულ ბაბეკ ა-ს მიმართ. მას  ბრალად ედება ჩეიხუნ ო-ს განზრახ მკვლელობა დანაშაული გათვალისწინებული საქართველოს სისხლის სამართლის კოდექსის 108-ე მუხლით.

 საქმის მასალების მიხედვით 2017 წლის 22 თებერვალს, დაახლოებით 01:00 საათზე, ბაბეკ. ა-მა გარდაბნის რაიონის, სოფელ ნაზარლოს ცენტრში, ურთიერთ შელაპარაკების ნიადაგზე, დანის ყელის არეში დარტყმით განზრახ მოკლა ჩეიხუნ ო.

 მოცემულ საქმეზე ნაფიც მსაჯულთა შერჩევის მიზნით 2017 წლის წლის 03 აგვისტოს 12:00 საათზე ჩაინიშნა ნაფიც მსაჯულთა შერჩევის  სხდომა. აღნიშნულ სხდომაზე მოხდება მხარეებთან  მოთათბირების სხდომაზე  სახელმწიფო სერვისების განვითარების სააგენტოდან შემთხვევითი შერჩევის პრინციპით შერჩეული 150 კანდიდატიდან 12 ძირითადი და არანაკლებ 02 სათადარიგო ნაფიცი მსაჯულის შერჩევა.