რუსთავის საქალაქო სასამართლო

2023 წლის 30 მაისს, რუსთავის საქალაქო სასამართლოს, ქ. რუსთავის იაკობ გოგებაშვილის სახელობის №11 საჯარო სკოლის მოსწავლეები სტუმრობდნენ.

სტუმრებს რუსთავის საქალაქო სასამართლოს მენეჯერმა - გურამ კორკოტაშვილმა უმასპინძლა.

მოსწავლეები გაეცნენ რუსთავის საქალაქო სასამართლოში განხორციელებულ პროექტებს: სასამართლოში შექმნილ ბავშვზე მორგებულ გარემოს, სასამართლოს ფოიეში მოწყობილ მცირე საოფისე სივრცეს, სასამართლოს მომხმარებელებისათვის მოქალაქეთა მისაღებში არსებულ სერვისებს და სხვ.

შეხვედრისას მიიღეს ინფორმაცია მათთვის საინტერესო სამართლებრივ საკითხებზე, მათ შორის ისაუბრეს ნაფიც მსაჯულთა ინსტიტუტის შესახებ.