არსებითი განხილვის გარეშე განაჩენის გამოტანის თაობაზე შუამდგომლობის დაკმაყოფილებაზე უარის თქმისა და საქმის პროკურატურისთვის დაბრუნების შესახებ

2014 წლის 17 იანვარს სამტრედიის რაიონულ სასამართლოში წარმოდგენილ იქნა სამტრედიის რაიონული პროკურატურის პროკურორის შუამდგომლობა ბრალდებულთან დადებული საპროცესო შეთანხმებით დამტკიცების შესახებ.

შუამდგომლობის საფუძველზე ბრალდებული ცნობილი იქნებოდა დამნაშავედ საქართველოს სსკ-ის 186-ე მუხლის პირველი ნაწილით და გამოტანილი იქნებოდა გამამტყუნებელი განაჩენი.

მართალია ბრალდებული აღიარებდა წარდგენილ ბრალდებას, თუმცა მის მიერვე გადმოცემული ფაქტობრივი გარემოებები არ იძლეოდა მისი ქმედების საქართველოს სისხლის სამართლის კოდექსის 186-ე მუხლის პირველი ნაწილით კვალიფიკაციის შესაძლებლობას.

ამდენად, სასამართლომ მიიჩნია, რომ არ არსებობდა ბრალდებულის მიმართ საქართველოს სისხლის სამართლის კოდექსის 186-ე მუხლის პირველი ნაწილით წარდგენილი ბრალის დამადასტურებელი და შესაბამისად საქმის არსებითად განხილვის გარეშე გამამტყუნებელი განაჩენის მისაღებად საკმარისი მტკიცებულებანი, რის გამოც წარმოდგენილი შეუამდგომლობა არ დაკმაყოფილდა და საქმე დაუბრუნდა პროკურატურას.